Tre punonjës të IMT-së së Bashkisë të Sarandës, po hetohen në gjendje të lirë, lidhur me ndërtimin e një lokali plazhi pa leje përkatëse. Ndërsa është shpallur në kërkim, pronari i i lokalit. Policia njofton se gjatë kontrolleve të territorit në vijën bregdetare në jug të vendit, IKMT në bashkëpunim me Policinë e Sarandës konstatuan lokalin. U referuan materialet procedurale në Prokurori dhe u shpall në kërkim shtetasi R. P., për veprat penale “Ndërtimi i paligjshëm” dhe “Pushtimi i tokës”, për objektin dhe punimet përreth, në zonën e njohur si “Laguna”. Ai dyshohet se ka kryer punime pa lejen e autoriteteve përkatëse. Mbi punonjësit e IMT-së rëndojnë veprat penale “Shpërdorimi i detyrës”. Ata dyshohet se duke mos vepruar, kanë lejuar ndërtimin pa leje të objektit në bregdet. Autoritetet kanë sekuestruar në cilësinë e provës materiale 120 çadra dhe 240 shezlonge.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
