Një bombol gazi ka shpërthyer pasditen e së mërkurës në një apartament në Tiranë. Sipas informacioneve të policisë, ngjarja ndodhi në katin e nëntë të një pallati në zonën e Selitës, ndërsa mësohet se ishte marrë me qira nga një grua.
Shkak për ngjarjen, sipas policisë, dyshohet të jetë bërë rrjedhja e gazit. Fatmirësisht nga shpërthimi nuk ka të lënduar, por vetëm dëme materiale.
“Në Selitë, në rrugën “Ibrahim Dervishi”, në katin e 9-të të një pallati, në banesën me qira të shtetases L. K., dyshohet se ka shpërthyer një bombul gazi. Si pasojë ka vetëm dëme materiale. Vijon puna nga grupi hetimor për zbardhjen e rrethanave të ngjarjes”, njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
