Një banesë në zonën e Alliasit në Tiranë është shkrumbuar tërësisht pas shpërthimit të bombolës së gazit. Sipas informacioneve nga Policia e Tiranës, mësohet se flakët kanë lënë të plagosur dy të moshuarit, që ndodheshin branda shtëpisë në momentin e shpërthimit.
Dy të moshuarit B. H.,80 vjeç dhe N. H.,77 vjeçe janë shtruar në spital pas dramës që përjetuan, ku mësohet se ndodhen jashtë rrezikut për jetën.
Tiranë/Informacion Paraprak
Rreth orës 13:09 në Allias, në një banesë private ka shpërthyer një bombul gazi dhe për pasojë banesa është përfshirë nga flakët. Policia së bashku me shërbimin e zjarrfikses kanë shkuar menjëherë në vendngjarje ku kanë mundur të nxjerrin dy të moshuar shtetasit B. H.,80 vjeç dhe N. H.,77 vjeçe që banonin në banesë, të cilët u dërguan në spital për ndihmë mjeksore . Grupi hetimor ndodhet në vendngjarje, ku po vijon punën për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
