Një konflikt i ndodhur në rrugën “Hodo Beg” në Tiranë ka përfunduar me plagosjen e një personi me mjet prerës dhe dëmtimin e një tjetri.
Sipas informacionit paraprak të Policisë, gjatë një sherri të dyshuar për motive të dobëta është plagosur me thikë shtetasi D.A., rreth 41 vjeç, ndërsa shtetasi J.G., rreth 61 vjeç, është goditur me grushte.
Autori i dyshuar i ngjarjes është identifikuar si shtetasi E.J., rreth 32 vjeç, i cili pas konfliktit është larguar nga vendi i ngjarjes.
Të dëmtuarit janë transportuar në spital dhe ndodhen jashtë rrezikut për jetën.
Ndërkohë, shërbimet e Policisë vijojnë kontrollet për lokalizimin dhe kapjen e autorit të dyshuar, ndërsa grupi hetimor po punon për zbardhjen e plotë të rrethanave dhe dokumentimin ligjor të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
