Reshjet e dendura të dëborës që kanë rënë gjatë orëve të fundit në Korçë dhe temperaturat e ulëta kanë krijuar probleme në zonë. Trashësia e borës ka arritur 10-30 cm. Autoritetet lokale kanë bërë të ditur se gjatë natës është punuar për pastrimin e rrugëve por lëvizja për në Dardhë dhe Voskopojë, duhet të kalohet me zinxhirë.
Në Qafë Sharr, është i nevojshëm kalimi me zinxhirë. Në fshatin Moglicë të Maliqit, janë këputur telat për shkak të linjës të amortizuar dhe pjesa më e madhe e fshatit nuk ka energji elektrike. Fshati Mesmali, vazhdon të jetë i izoluar prej dy ditësh.
Qafë Thana, ka vështirësi në lëvizjen e mjeteve pasi trashësia e dëborës shkon 20-30cm. Në Pogradec dhe Proptisht ka ende probleme me energjinë elektrike pasi këto zona furnizohen me fiderin e Librazhdit por akoma nuk është gjendur defekti.
Në Dardhas ka ende fshatra të izoluar dhe lëvizja drejt saj bëhet vetëm me zinxhirë
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
