Një sasi prej 50 kg lëndë narkotike kanabis sativa si dhe 385 bimë kanabis në proces tharjeje, janë sekuestruar nga policia e Shkodrës në kuadër të një operacioni të koduar “Muzgu”.
Mësohet se në kërkim janë shpallur 5 shtetas: B.M., 21 vjeç; G.M., 43 vjeçe; F.P., 42 vjeç; Gj.P., 31 vjeç dhe K.Gj., të gjithë banues në fshatin Kir. Lënda narkotike është gjetur gjatë kontrollit të banesave të këtyre shtetasve.
Policia njofton se lënda narkotike është gjetur në banesat e të arrestuarve dhe është asgjësuar me anë të djegies.
Ndërkohë, vijojnë hetimet për kapjen e autorëve të implikuar në veprimtarinë kriminale të prodhimit dhe shitjes së lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
