Një 18-vjeçar është arrestuar nga policia, pasi para dy ditësh kishte përplasur me makinë për vdekje një të moshuar dhe më pas ishte larguar nga vendi i ngjarjes.
Polica e Fierit njofton se i arrestuari është identifikuar me inicialet A.Xh. banues në Lushnjë.
Lidhur me këtë ngjarje, policia ka nisur hetimet dhe për një 16-vjeçar, i cili akuzohet për “Moskallëzim krimi”.
Njoftimi
Specialistët e Sektorit të Qarkullimit Rrugor, arrestuan për veprat penale “Shkelja e rregullave të qarkullimit rrugor”, ”Drejtimi i automjeti në mënyrë të pa rregullt” dhe “Largimi nga vendi i aksidentit”, shtetasin A.Xh, 18 vjeç, banues në Lushnje.
Ky shtetas në datën 04.11.2019 ka aksidentuar me pasojë vdekjen shtetasin N.P, 88 vjeç dhe është larguar nga vendi i ngjarjes.
Gjithashtu u referuan materialet në Prokurorinë pranë Gjykatës së Shkallës së Parë Lushnje për shtetasin B.A, 16 vjeç, banues në Lushnje për veprën penale “Moskallëzim krimi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
