Dy automjetet janë përplasur me njëra-tjetrën në aksin rrugor Librazhd-Qafë Thanë, me pasojë plagosjen e dy personave. Sipas policisë, ngjarja ka ndodhur rreth orës 19:40, në fshatin Dragostunjë, ku automjeti që drejtohej nga shtetasi L. G., 30 vjeç, është përplasur me automjetin që drejtohej nga shtetasi G. C., 18 vjeç. Si pasojë, janë dëmtuar dy drejtuesit, të cilët janë në kujdesin e mjekëve.
Ndërkohë, rreth orës 20:15, në fshatin Kotodesh, Librazhd, motomjeti që drejtohet nga shtetasi I. B., 54 vjeç, është përplasur me një kafshë pune (gomar). Si pasojë, është dëmtuar 54-vjeçari, i cili është në kujdesin e mjekëve. Grupet hetimore vijojnë punën për sqarimin e rrethanave të këtyre aksidenteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
