Një person i shpallur në kërkim ndërkombëtar për vrasje, plagosje dhe shfrytëzim prostitucioni, është vënë në prangat e policisë së Tiranës, në kuadër të operacionit të koduar “Sette”.
Forcat “Shqiponja”, në bashkëpunim me Seksionin për Hetimin e Krimeve ndaj Jetës, në vijim të punës për kapjen e personave të shpallur në kërkim ndërkombëtar, bënë arrestimin provizor, me qëllim ekstradimi drejt Italisë, të K. S., 42 vjeç, banues në Tiranë.
42-vjeçari ishte shpallur në kërkim ndërkombëtar, pasi Gjykata e Apelit Torino, Itali, e ka dënuar me 7 vjet e 8 muaj burg për veprat penale “Vrasja”, “Plagosja e rëndë” dhe “Shfrytëzim prostitucioni”, parashikuar nga Kodi Penal i Italisë.
Pas ndalimit nga shërbimet e policisë, i dyshuari ka paraqitur një dokument identifikimi të falsifikuar.
Lidhur me të ndaluarin, Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
