Komisioni i Pavarur i Kualifikimit zhvilloi sot seancën për shpalljen e vendimit për Ina Hoxhaj, gjyqtare në Gjykatën e Rrethit Gjyqësor Pogradec.
Trupa Gjykuese e përbërë nga Pamela Qirko, Suela Zhegu, Etleda Çiftja pasi analizoi provat dhe faktet vendosi të konfirmoi në detyrë gjyqtaren, Ina Hoxhaj.
Të gjitha verifikimet e kryera prej KPK nuk kanë gjetur probleme në kriterin e pasurisë, si dhe ka rezultuar balancë financiare pozitive për gjithë vitet.
Ina Hoxhaj përfundoi studimet në Shkollën e Magjistraturës në vitin 2015 dhe pas një periudhe stazhi në Gjykatën e Tiranës, u emërua në Gjykatën e Pogradecit, ku vazhdon ta ushtrojë edhe aktualisht funksionin.
Prej vitit 2018 ajo është komanduar si ndihmës magjistrate pranë Gjykatës së Lartë me afat 5-vjeçar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
