Vdekja e katër turistëve rusë në Kavajë para disa javësh ka bërë që efektivë të ushtrisë, prokurorë dhe shërbimet inteligjente të mblidhen në vendin e ngjarjes. Ata janë angazhuar në rikrijimin e skenës në mënyrë që të hidhet dritë mbi shkaqet e ngjarjes. Puna ka nisur sot dhe do të vijojë edhe përgjatë të shtunës.
Përmes këtij eksperimenti hetimor do të shqyrtohet nëse dioksidi i karbonit, i cili rezultoi se u ka marrë jetën 4 turistëve, është lëshuar në ajër si pasojë e keqfunksionimit të kaldajës në hotel dhe mungesës së sistemit si duhet të ventilimit, apo për arsye të tjera.
Burimet i thanë MCN një ditë më parë se në analizën laboratorike janë gjetur faktorë të gazit monoksid karboni në nivelin e mbi 70%.
Ky eksperiment pritet të shpërndajë mjegullnajën që rrethon ngjarjen prej 16 tetorit.
Sergey Burenkov, 60 vjeç, dhe bashkëshortja Natalya Burenkova, 58 vjeç, ishin me pushime në Shqipëri, së bashku me vajzën e tyre Katia, 31 vjeç, dhe partnerin e saj Nikita Belousov, kur u gjetën të vdekur në saunën e një hoteli në plazhin e Qerretit në Kavajë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
