Të lënduarit nga fishekzjarret/ Burri në Vlorë humb tre gishta, 10-vjeçari plagoset në fytyrë

Spektakli  me fishekzjarre natën e ndërrimit të viteve, nuk ka kaluar pa incidente.

Në Vlorë, një 60 vjeçari nga fshati Bishan, i ka plasur fishekzjarri në dorë, duke i këputur tre gishta.

I lënduari është dërguar me urgjencë në spitalin e qytetit, ku ka marrë ndihmën e nevojshme mjekësore.

Një ngjarje mjaft e rëndë është regjistruar mbrëmjen e këtij fundviti në oborrin e ish Gjimnazit në qytetin e Librazhdit.

Një 10-vjeçar ka mbetur i plagosur nga shpërthimi i fuqishëm i një kapsolle. I mituri ka pësuar dëmtime serioze në duar , bark dhe fytyrë.