Policia e Tiranës ka vënë në pranga një tjetër person të shpallur në kërkim në kuadër të operacionit policor Vol-Vo 4.
Burimet bejne te ditur se i arrestuari është Qerim Musha 52 vjeç nga Tirana, për të cilin është dhënë masa arrest me burg.
“Në vijim të punës për kapjen e personave të shpallur në kërkim, specialistët për Hetimin e Krimit Ekonomik e Financiar në DVP Tiranë, kanë bërë kapjen e shtetasit Q. M., 52 vjeç, banues në Tiranë, person i shpallur në kërkim nga Departamenti i Policisë Kriminale në Policinë e Shtetit, në tetor të vitit 2018, në kuadër të operacionit policor Vol-Vo 4”, thuhet në njoftimin e policisë.
I arrestuari dyshohet se ka kryer veprën penale “Korrupsioni pasiv i funksionarëve të lartë shtetërorë ose i të zgjedhurve vendorë”.
Materialet i kaluan Prokurorisë, për veprime të mëtejshme.
Operacioni i koduar "Volvo 4" u shtri në 12 qytete dhe janë goditur anëtarët e 4 grupeve të skeduara kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
