Dy persona janë vënë në prangat e policisë së Tiranës dhe Krujës, të akuzuar për shitje kokaine dhe kanabisi.
Efektivët e policisë arrestuan A. K., 30 vjeç, banues në Tiranë dhe A. M., 19 vjeç, banues në Krujë.
Uniformat blu ndaluan në rrugën “Mine Peza”, automjetin që drejtonte 30-vjeçari, në të cilin, gjatë kontrollit, gjetën sasi të lëndës së dyshuar narkotike kokainë.
Në vijim, gjatë kontrollit në banesën ku ai jetonte me qira, u gjet sasi tjetër e lëndës së dyshuar narkotike Kokainë, që 30-vjeçari e posedonte më qëllim shitjen.
Ndërkohë gjatë kontrollit në banesën e 19-vjeçarit, gjetën 256 gramë lëndë të dyshuar narkotike kanabis sativa, që dyshohet se ky shtetas e posedonte me qëllim shitjen në qytetin e Krujës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
