Prokuroria është rikthyer sërish në ambientet e Bashkisë Vlorë, në vijim të verifikimeve që po kryhen prej disa ditësh, kësaj radhe lidhur me dyshimet për paga fiktive dhe administrimin e plazheve.
Gazetarja Arjola Hasanaj raportoi për “MCN Live” se Oficerët e Policisë Gjyqësore janë ndalur këtë herë në zyrën e protokollit, ku po kontrollohen kartelat e pasurisë, për të verifikuar nëse ato rezultojnë të regjistruara me të njëjtin numër protokolli.
Hetimet po zhvillohen në mënyrë të detajuar, ndërsa burime bëjnë me dije se verifikimet lidhen me dyshime për parregullsi administrative dhe proceduriale në dokumentacionin zyrtar edhe për hapësirën e plazheve.
Dyshimet janë përqendruar në faktin e parregullsive administrative për shfrytëzimin e hapësirave publike, ku ndër vite janë ngritur dyshime për abuzimin me shfrytëzimin e plazheve.
Ka dyshime të forta se një numër punonjësish kanë përfituar paga në këtë institucion, ndërkohë që kanë qenë jashtë Republikës së Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
