I dënuar nga drejtësia italiane, kapet në Tiranë i shumëkërkuari/ Emri

Një person i shpallur në kërkim ndërkombëtar është vënë në prangat e policisë Tiranë, gjatë operacionit të koduar “Prato”.

Shërbimet e Forcës së Posaçme “Shqiponja”, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, bënë kapjen dhe arrestimin provizor, me qëllim ekstradimin drejt Italisë, të Sebastjan Dema, 32 vjeç, banues në Tiranë.  

32-vjeçari ishte shpallur në kërkim ndërkombëtar, pasi Gjykata e Prato, Itali, e ka dënuar me 6 vjet e 7 muaj burgim, për veprat penale “Vjedhja e rëndë” dhe “Armëmbajtja pa leje”, parashikuar nga Kodi Penal i Italisë.

Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e këtij shtetasi.