Komisioni i Pavarur i Kualifikimit zhvilloi të hënën seancën e dytë dëgjimore në ngarkim të Anton Martinit, prokuror pranë Prokurorisë për Krimet e Rënda, sot me krijimin e SPAK, Prokuroria Penale e Tiranës.
Trupa e gjyqtarëve që po vlerëson figurën e Martinit, përbëhet nga treshja, Genta Tafa (Bungo), Etleda Çiftja, Pamela Qirko. Analiza e pasurisë, së bashku me kontrollin e figurës dhe vlerësimin e aftësive profesionale janë tre shtyllat e rivlerësimit për prokurorët.
Prokurori Anton Martini është për herë të dytë përpara trupës së KPK. Seanca e parë dëgjimore ndaj Martinit u zhvillua në fillim të dhjetorit të vitit të shkuar, ndërsa më 12 dhjetor pritej marrja e vendimit në ngarkim të tij, por KPK, më tej vendosi për një seancë të dytë dëgjimore, e cila u zhvillua sot.
Anton Martini, Prokurori i Krimeve të Rënda, është kandidat për Prokurorinë e Posaçme kundër Korrupsionit dhe Krimit të Organizuar, SPAK, dhe nëse konfirmohet në detyrë ai do të jetë prokuror i SPAK.
Prokurori Anton Martini është renditur i dyti nga Këshilli i Lartë i Prokurorisë për të qenë pjesë e Prokurorisë së Posaçme. Për të marrë emërimin në SPAK, atij i duhet të kalojë si barrierë të fundit procesin e Vetingut në të dy shkallët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
