Aksident në Elbasan/ Autobusi del nga rruga pas përplasjes me një makinë, përfundon në një pikë karburanti

Një aksident rrugor është regjistruar këtë të enjte në afërsi të Rrethrrotullimit të Luleve në Elbasan.

Sipas informacioneve paraprake, një autobus është përplasur me një automjet dhe, si pasojë e goditjes, ka dalë nga trajektorja duke përfunduar në ambientet e një pike karburanti pranë vendit të ngjarjes.

Menjëherë pas aksidentit, në vendngjarje kanë mbërritur shërbimet e Policisë, të cilat po kryejnë veprimet procedurale për të sqaruar rrethanat dhe shkaqet e përplasjes.

Fatmirësisht, nga të dhënat e para nuk raportohet për persona të lënduar, ndërsa janë shkaktuar vetëm dëme materiale. Hetimet vijojnë për zbardhjen e plotë të ngjarjes.