Rritet edhe më shumë numri i rasteve me COVID-19: 72 të infektuar në një ditë në Kosovë

Ka disa ditë që numri i rasteve pozitive me koronavirus në Kosovë po rritet dukshëm.

Ministria e Shëndetësisë së Kosovës ka bërë të ditur se në 24 orët e fundit janë shënuar 72 raste pozitve me COVID-19. Këto raste kanë dalë nga kryerja e 2.443 mostra të dyshimta për Sars CoV-2.

Në 24 orët e fundit janë shëruar vetëm 17 pacientë.

Ndërkohë në 24 orët e fundit janë dhënë 12.123 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 400.217 doza të vaksinës.

Deri më sot 130.511 qytetarë janë vaksinuar me dozën e dytë.