U kap duke transportuar 14 emigrantë të paligjshëm, arrestohet në Gjirokastër 31-vjeçari nga Kosova

Policia e Gjirokastrës ka arrestuar një 31 vjeçar me iniciale D.B pasi u kap në flagrancë duke transportuar 14 emigrantë që kishin si qëllim kalimin e paligjshëm të kufirit. 31-vjeçari kosovar u kap në qytetin e Përmetit, duke transportuar kundrejt pagesës, me automjetin tip "Mercedez Benz", 14 emigrantë nga vendet MENA, që kishin si qëllim kalimin e paligjshëm të kufirit me vendet e BE-së. Në cilësinë e provës materiale është sekuestruar automjeti me të cilin transportoheshin emigrantët, një mjet prerës (thikë) që u gjet në këtë automjet, një shumë parash dhe 1 aparat celular. Njoftimi i policisë: DVP Gjirokastër/Operacione të njëpasnjëshme kundër veprimtarisë kriminale të dhënies ndihmë shtetasve të huaj, kundrejt pagesave, për kalim të paligjshëm të kufirit. Finalizohet operacioni policor i koduar "Road Guard 67". U kap në flagrancë duke transportuar 14 emigrantë që kishin si qëllim kalimin e paligjshëm të kufirit, vihet në pranga 31-vjeçari kosovar. Sekuestrohen automjeti me të cilin transportoheshin emigrantët, një mjet prerës (thikë) që u gjet në këtë automjet, një shumë parash dhe 1 aparat celular. Seksioni për Hetimin e Narkotikëve dhe Trafiqeve të Paligjshme, në bashkëpunim me Komisariatin e Policisë Përmet, në vijim të punës së pandërprerë, në terren, për parandalimin, evidentimin dhe goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, mbështetur dhe në inteligjencën informative, ka finalizuar operacionin policor të koduar "Road Guard 67", si rezultat i të cilit u bë arrestimi në flagrancë i shtetasit: - D. B., 31 vjeç, banues në Kosovë. Ky shtetas u kap në flagrancë nga shërbimet e Policisë, në qytetin e Përmetit, duke transportuar kundrejt pagesës, me automjetin tip "Mercedez Benz", 14 emigrantë nga vendet MENA, që kishin si qëllim kalimin e paligjshëm të kufirit me vendet e BE-së. Gjatë kontrollit në automjet u gjet 1 armë e ftohtë (thikë), e cila u sekuestrua në cilësinë e provës materiale, së bashku me një shumë parash, 1 aparat celular dhe automjetin. Materialet i kaluan Prokurorisë pranë Gjykatës së Shkallës së Parë Të Juridiksionit të Përgjithshëm Gjirokastër, për veprime të mëtejshme.