Shantazhoi dy adoleshente për t’i dhënë para, që të mos iu publikonte foto dhe video me përmbajtje personale, vihet në pranga një 27-vjeçar.
Shërbimet e Komisariatit të Policisë Mallakastër, si rezultat i reagimit të menjëhershëm pas kallëzimit të marrë nga dy adoleshente, 15 dhe 17 vjeçe, se shantazhoheshin nga një shtetas, për t’i dhënë para, që ai të mos iu publikonte foto dhe video me përmbajtje personale, kanë kapur dhe arrestuar në flagrancë shtetasin M. Rr., 27 vjeç, banues në Ballsh.
Ndalimi i tij u bë për veprën penale “Shtrëngimi me anë të kanosjes ose dhunës për dhënie pasurie”.
Lidhur me këtë rast materialet procedurale i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
