Policia e Shtetit njofton se tre turistë nga Kosova që kishin mbetur të bllokuar të dielën nga bora e madhe në Valbonë, janë evakuuar nga Policia e Shqipërisë në bashkëpunim me Agjencinë e Menaxhimit të Emergjencave të Kosovës (AME).
Policia e Shtetit, nëpërmjet një njoftimi të publikuar një rrjete speciale njoftoi se njëri nga tre turistët e bllokuar ishte lokalizuar në vendin e quajtur “Ura e Pojanes”, ndërsa dy turistët e tjerë veçse kishin arritur të dilnin në zonën e Kosovës.
Njoftimi -Valbonë
Kishte mbetur i bllokuar, në një terren tejet të thepisur dhe me dëborë, në bjeshkët e Doberdolit, Policia e Tropojës, në bashkëpunim me Emergjencat Civile të Kosovës, i japin ndihmë turistit.
Rreth orës 11:00, Emergjencat Civile të Kosovës kanë njoftuar se 3 tursistë nga Kosova, duke eksploruar Alpet e Valbonës, me motorë bore, kishin mbetur të bllokuar, për shkak të terrenit të thepisur dhe me dëborë.
Menjëherë pas marrjes së njoftimit, shërbimet e Komisariatit të Policisë Tropojë, në bashkëpunim me Emergjencat Civile të Kosovës, kanë organizuar punën dhe kanë nisur kërkimet, me qëllim lokalizimin e turistëve.
Pas disa orësh kërkime nga shërbimet e Policisë, në bashkëpunim me Emergjencat Civile të Kosovës, në vendin e quajtur "Ura Pojanes", u lokalizua turisti që kishte mbetur i bllokuar, ndërsa 2 turistët e tjerë kishin arritur të dilnin në zonën e Kosovës.
Turisti ndodhet në gjendje të mirë shëndetësore. Ai ka falënderuar shërbimet e Policisë dhe Emergjencat Civile të Kosovës, për ofrimin e menjëhershëm të ndihmës.
Drejtoria Vendore e Policisë Kukës fton qytetarët që për çdo rast të nevojës për ndihmë, të telefonojnë në numrin pa pagesë 112.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
