Drejtoria Vendore e Policisë Lezhë ka njoftuar se lidhur me aksidentin e rëndë që ndodhi mbrëmjen e kaluar në Fushë Gjormë, specialistët e Sektorit të Qarkullimit Rrugor arrestuan në flagrancë drejtuesin e automjetit, shtetasin B. Q., 29 vjeç, banues në Shkodër, për veprën penale “Shkelja e rregullave të qarkullimit rrugor”, me pasojë vdekjen.
Për shkak të dëmtimeve të marra, njëri nga pasagjerët, shtetasi L. Q., 78 vjeç, ka humbur jetën në Spitalin e Traumës, ndërsa dy pasagjerët e tjerë, shtetasit I. Q., 55 vjeç dhe M. Ç., 54 vjeçe, ndodhen nën kujdesin e mjekëve dhe janë jashtë rrezikut për jetën.
Grupi hetimor nën drejtimin e Prokurorisë, po punon për sqarimin e plotë të rrethanave dhe përcaktimin e shkakut të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
