Policia e Tiranës ka arrestuar gjatë orëve të fundit pesë persona, ndaj të cilëve rëndojnë akuza të ndryshme penale. Sipas burimeve zyrtare nga Policia, mes të arrestuarve është edhe një grua 39-vjeçare, pasi dyshohet se ka ushtruar dhunë fizike ndaj vjehrrit të saj.
U arrestua gjithashtu edhe 41-vjeçari me inicialet S. K., pasi ka ushtruar dhunë fizike dhe psikologjike ndaj bashkëshortes së tij.
Uniformat blu njoftuam më tej se është kapur edhe një 51-vjeçar pasi Gjykata e Shkallës Parë Tiranë e ka dënuar me 20 ditë burg, për veprën penale “Largimi nga vendi i aksidentit”.
Kurse, specialistët e Qarkullimit Rrugor arrestuan Xh. A., 50 vjeç, pasi u kap duke drejtuar mjetin në gjendje të dehur, në masën 0.79 mg/l.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
