Një 57-vjeçar u procedua penalisht në Vlorë pasi goditi disa herë me grushta në fytyrë një 50-vjeçar duke e lënë të plagosur. Ndërkaq po hetohen edhe dy shtetase V. G., 43 vjeçe dhe S. G., 19 vjeçe pasi kanë goditur dhe ofenduar me fjalë të rënda shtetasen M. J., 15 vjeçe dhe nënën e saj.
NJOFTIMI
Specialistët e Hetimit të Krimit të Komisariatit të Policisë Vlorë referuan materialet në Prokurorinë pranë Gjykatës së Shkallës së Parë Vlorë për shtetasit:
- L. D., 57 vjeç, banues në Vlorë, për veprën penale "Plagosja e lehtë me dashje", pasi ka bërë kallëzim shtetasi Xh. S., 50 vjeç, banues në Vlorë, duke pretenduar se 57-vjeçari e ka goditur disa herë me grushta në fytyrë.
- V. G., 43 vjeçe dhe S. G., 19 vjeçe, pasi kanë goditur dhe ofenduar me fjalë të rënda shtetasen M. J., 15 vjeçe dhe nënën e saj, duke i shkaktuar 15-vjeçares një gjëndje të rënduar psikologjike dhe për pasojë ajo ka konsumuar një sasi medikamentesh mjekësore. Shtetasja M. J. ndodhet jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
