Shërbimet e Komisariatit të Policisë Nr. 6 në Tiranë, pas marrjes së njoftimit se në fshatin Dorëz, një shtetas, kishte kanosur me armë zjarri një shtetas tjetër kushëri i tij, kanë organizuar punën në kuadër të operacionit policor të koduar “Dorëz”.
Si rezultat, u bë kapja dhe arrestimi në flagrancë i shtetasit B. K., 40 vjeç, banues në Pezë të Madhe, pasi dyshohet se gjatë një konflikti për motive pronësie, ka kanosur me armë zjarri pushkë, shtetasin B. K., kushëri i tij.
Në momentin e ndërhyrjes së shërbimeve të policisë, 40-vjeçari ka tentuar ta fshehë armën e zjarrit pushkë, në afërsi të banesës së tij, por ajo është gjetur nga ana e uniformave blu dhe është sekuestruar në cilësinë e provës materiale.
Lidhur me këtë rast materialet procedurale i kaluan Prokurorisë Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
