Një operacion i policisë së Tiranës i koduar “Circle” ka vënë në pranga një person të shpallur në kërkim për veprën penale “Ndihma për kalim të paligjshëm të kufijve”.
Si rezultat i këtij operacioni, në vendin e quajtur “2 Rrathët”, në Unazën e Re, u bë kapja dhe arrestimi i Alban Mija, 26 vjeç, banues në Kamzë.
26-vjeçari ishte shpallur në kërkim, pasi Gjykata e Gjirokastrës, me vendimin e datës 16 dhjetor 2020, e ka dënuar me 3 vjet e 4 muaj burgim, për veprën penale “Ndihma për kalim të paligjshëm të kufijve”.
26-vjeçari iu dorëzua Policisë së Gjirokastrës, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
