Shoferi humb kontrollin e mjetit dhe përplaset me bordurën, plagoset 45-vjeçari
Një aksident ka ndodhur pasditen e së premtes në aksin rrugor Vlorë-Orikum, ku një 41-vjeçar ka humbur kontrollin e automjetit dhe është përplasur me një bordurë betoni. Si pasojë e përplasjes së furtë, është dëmtuar pasagjeri në mjet, shtetasi R. D., 45 vjeç.
Ky i fundit është dërguar në spital dhe ndodhet nën kujdesin e bluzave të bardha. Policia ka shoqëruar drejtuesin dhe po kryen të gjitha veprimet proceduriale.
Njoftimi i policisë:
Sot rreth orës 15:30, në aksin rrugor “Vlorë-Orikum”, shtetasi D. S., 41 vjeç, duke drejtuar automjetin, ka humbur kontrollin mbi drejtimin e automjetit dhe për pasojë automjeti është përplasur me një bordurë prej betoni, në anë të rrugës.
Nga përplasja, është dëmtuar pasagjeri në këtë automjet, shtetasi R. D., 45 vjeç, i cili aktualisht ndodhet në spital nën kujdesin e mjekëve.
Ndërkaq, drejtuesi i automjetit, shtetasi D. S. është shoqëruar në Komisariat, për kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të këtij aksidenti.
MCN Radio
103.1 FM
MCN Radio
103.1 FM
Intro
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
