Policia e Durrësit ka vënë në pranga një 36- vjeçar me iniciale B.B., banues në Turqi pasi është kapur duke tentuar të kalojë kufirin me dokumenta të falsifikuara.
Mbi 36-vjeçarin rëndojnë akuzat "Falsifikimi i dokumenteve" dhe "Falsifikimi i letërnjoftimeve, i pasaportave ose i vizave".
Po ashtu në prangat e policisë ka rënë një 39-vjeçare pasi ka ushtruar dhunë ndaj nënës së saj.
Njoftimi i policisë: DVP Durrës/Vihen në pranga 2 shtetas.
Specialistët për Hetimin e Krimit Ekonomik dhe Financiar në DVP Durrës arrestuan në flagrancë, për veprat penale "Falsifikimi i dokumenteve" dhe "Falsifikimi i letërnjoftimeve, i pasaportave ose i vizave", shtetasin B. B., 36 vjeç, banues në Turqi, pasi është kapur nga shërbimet e Policisë Kufitare, në PKK Durrës, duke tentuar të kalojë kufirin, me dokumente të falsifikuara.
Specialistët për Hetimin e Krimit në Komisariatin e Policisë Durrës arrestuan në flagrancë shtetasen M. R., 39 vjeçe, banuese në Durrës, pasi ka ushtruar dhunë ndaj nënës së saj.
Materialet i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
