Ministri i Punëve të Brendshme të Kosovës, Xhelal Sveçla, e ka shpallur person të padëshirueshëm në Kosovë, spiunen e arrestuar ruse Daria Asmalovan.
Ai ka theksuar se hyrja e këtij personi është e ndaluar për pesë vite në territorin e Republikës së Kosovës.
Si Ministër i Punëve të Brendshme, brenda kompetencave të mia ligjore, bazuar në Ligjin për të Huaj, Nenet 17 dhe 66 A, kam shpallur person të padëshirueshëm në Republikën e Kosovës Daria Asmalovan. Hyrja e këtij personi është e ndaluar për pesë vite në territorin e Republikës së Kosovës.
Ai tha se kushdo që “me qëllime apo direktiva të caktuara cënon apo tenton ta destabilizojë vendin tonë, do të përballet pa diskutim me forcën e ligjeve të Republikës së Kosovës”.
Autoritetet e Kosovës kanë ndaluar Daria Aslamovan, spiune e inteligjencës ushtarake ruse, e cila po provonte të hynte në Kosovë nga pika kufitare në veri të Kosovës.
Aslamova është edhe pjesëmarrëse në luftimet në Ukrainë duke propaganduar mbi pushtimin rus ndaj Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
