Një person ka rënë në pranga nga Policia e Pukës pasi ka qëlluar me armë zjarri në ajër.
Policia bën me dije se u njoftuam se ka të shtëna me armë zjarri në fshatin Gojan i Madh.
Konstatuam 46 gëzhoja model 56, të shpërndara në rrugën e shtëpisë së Martin Gjergjit, i cili u arrestua”.
Nuk dihen ende motivet e ngjarjes. Hetimet ne vijim.
NJOFTIMI I POLICISE
Me datë 03.05.2017 jemi njoftuar se ka të shtëna me armë zjarri në fshatin Gojan i Madh. Menjëherë në drejtim të fshatit Gojan janë nisur forca të shumta policie si dhe grupi hetimor ku rezultoi se:
Në lagjen Brigjë, fshati Gojan i Madh, Njësia Administrative Gjegjan, Bashkia Pukë ku kanë konstatuar 46 gëzhoja model 56 të shpërndara në mënyrë të çrregullt në rrugën e shtëpisë së shtetasit Martin Gjergji. Pas një kontrolli të bërë në banesën e këtij shtetasi dhe ambienteve përreth saj, u gjet e groposur një armë automatike Model 56, 7 krëhëra, ku 6 prej tyre ishin bosh ndërsa njëri kishte 25 fishekë brenda, të cilat u sekuestruan në cilësinë e provës materiale.
Shërbimet e Policisë kanë bërë kapjen dhe arrestimin në flagrancë të shtetasit:
Martin Gjergji, 24 vjeç, banues në Gojan i Madh, Pukë. Materialet i kaluan Prokurorisë së Rrethit Gjyqësor Pukë për veprat penale “Prodhimi dhe mbajtja pa leje e armëve luftarake dhe e municionit” dhe “Prishja e qetësisë publike” të parashikuara nga nenet 278 dhe 274 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
