“Mirdita solidarizohet me Dukagjinin”/ Qytetarë nga Mirdita nisen drejt Thethit për të mbështetur banorët

Një grup qytetarësh dhe aktivistësh nga Mirdita janë nisur këtë të martë drejt Thethit, në një akt të qartë solidariteti me banorët e Dukagjinit. 

Nën moton “Mirdita solidarizohet me Dukagjinin”, ky grup përçon një mesazh të fortë mbështetjeje për banorët e Shalës dhe të Shoshit, të cilët po përballen me sfida të mëdha që rrezikojnë jetesën, trashëgiminë kulturore dhe të ardhmen e tyre në këto treva historike.

Mirditorët e pranishëm në këtë udhëtim theksuan se praninë e tyre nuk e shohin thjesht si një veprim simbolik, por si një thirrje për ndërgjegjësim mbarëkombëtar dhe një apel për veprim konkret për mbrojtjen e vlerave, tokës dhe dinjitetit njerëzor.

"Mirdita solidarizohet me Dukagjinin" është më shumë se një slogan është një kujtesë se bashkimi dhe ndërgjegjësimi janë forcat më të fuqishme të një kombi. 

Ky akt solidariteti nuk është vetëm një shenjë e mbështetjes, por një thirrje për të gjithë shqiptarët të qëndrojnë së bashku në mbrojtje të trashëgimisë dhe vlerave të vendit të tyre.