Gjykata e Apelit në Shkodër ka ndryshuar masën e sigurisë ndaj shtetases Vera Preka, e cila u arrestua pasi fshehu një sasi të konsiderueshme kokainë në banesë.
Fillimisht, ndaj 50-vjeçares u caktua masa e sigurisë “Arrest në burg”, por ishte prokuroria që e apeloi vendimin e dhënë nga Shkalla e Parë në Lezhë. Tashme 50-vjeçarja Preka është rikthyer në qeli, nën masën e sigurisë “Arrest në burg”.
Më datë 19 nëntor, Vera Prekës iu gjet 1.2 kg kokainë të fshehur brenda lavatriçes, në servisin e ish-bashkëshortit të saj në Ishull-Lezhë. Servisi ishte përshtatur si banesë nga ana e 50-vjeçares. Vendimi i shkallës së parë ishte apeluar nga Prokuroria e Lezhës dhe pas shqyrtimit të çështjes apeli i Shkodrës i dha të drejtë organit të akuzës, i cili referuar provave të paraqitura nga policia, kishte kërkuar që në fillim “arrest me burg” për Vera Prekën. Por vendimi i shkallës së parë i cili dha një masë më të butë për 50-vjeçaren, arsyetohet me argumuntin se ajo ishte femër dhe kishte dhe probleme shëndetësore. Ndërsa për ish-bashkëshortin e saj, Ded Marvukaj i cili u arrestua disa ditë më vonë, gjykata e Lezhës ka vendosur masen e sigurisë “arrest me burg”.
Burri dhe gruaja të cilët rezultojnë të jenë të divorcuar janë vënë nën akuzë për “Prodhim dhe shitje të narkotikëve” e kryer në bashkëpunim, pasi gjatë një operacioni policor të koduar “Stacioni” në servisin në pronësi të Ded Marvukaj i cili ishte i përshtatur dhe si banesë, u gjetën dhe sekuestruan 1.2 kg kokainë dhe një peshore elektronike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
