Shërbimi i kërkim-shpëtimit malor të Kosovës ka bërë të ditur detaje për ortekun që rrëshqiti dje në qendrën e skijimit në Brezovicë.
Bazuar në matjet që ka bërë ky shërbim është thënë se orteku ishte i përmasave gjigante, ndërkaq skijatorët që kanë qenë duke skijuar jashtë pistës kanë iniciuar lëshimin e ortekut, por kanë shpëtuar pa asnjë lëndim.
Orteku ka qenë i llojit me pllakëza, dhe thellësisë maksimale, shkëputje e thellë gjerë në sipërfaqen e tokës. Gjerësia e ortekut të formuar është mbi 450m, dhe nënkupton një ortek me përmasa masive. Fatmirësisht skijatorët që kanë qenë duke skijuar jashtë shtegut dhe të njëjtit kanë iniciuar lëshimin e ortekut kanë shpëtuar pa asnjë lëndim.
Në vend aksident në ndihmë kanë dalur ekipi i shpëtuesve i qendrës skitare Brezovicë, vullnetarë të tjerë dhe mbi 20 ski-bjeshkatarë turistë nga Polonia, vlen të ceket se turistët ski bjeshkatarë i posedojnë të gjitha pajisjet e sigurisë në ortek”.
Tutje thuhet se pas kontrollimit të një pjesë të ortekut dhe nuk kishte pasur elemente të dyshuara se dikush mund të ketë mbetur i bllokuar aty, kërkimi nga ekipet ishte ndërprerë.
“Me marrjen e disa informatave të para nga dëshmitarët okular se mund të gjendet ndër masën e ortekut një skijator menjëherë është filluar me kërkim të sinjalit të transmetuesit. Por shumë shpejt vërtetohet mungesa e sinjalit dhe fillon kërkimi me 45 sonda të ortekut. Pas 1,5h kërkim dhe mos hasje në viktimë apo elemente të dyshimta ndërpritet kërkimi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
