Forca të shumta policie dhe ato Speciale kanë zbarkuar ditën e sotme në qarkun e Fierit, aty ku u gjet parcelë e mbjellë me kanabis. Në këtë parcelë, u plagos 29-vjeçari nga Patosi, Greseld Shpataraku, i cili i drejtoi armën punonjësve të policisë por mbeti i plagosur nga këta të fundit.
Ngjarja ndodhi në një zonë të pyllëzuar të fshatit Gjorgoz, të Njësisë Administrative Cakran të bashkisë Fier. Greseld Shpataraku ka kërcënuar me kallashnikov policinë, pasi këta të fundit kishin shkuar pranë parcelës me kanabis, që ruhej nga i riu. Uniformat blu po bëjnë krehjen e zonës, ndërsa në terren kanë shkuar edhe zyrtarët e Drejtorisë së Policisë Fier.
Fill pas ngjarjes, behet ne dije se SHÇBA në bashkëpunim me Prokurorinë e Fierit po kryejnë hetimin për grupin i cili zhvillonte kontrollin rutinë në territor. Qëllimi i hetimit është zbulimi i dinamikës së ngjarjes. 29-vjeçari, i cili mbeti i plagosur ndodhet në Spitalin e Fierit nën kujdesin e mjekëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
