Një ngjarje e rëndë është shënuar ditën e sotme në Kukës, me pasojë plagosjen e një fëmije.
Në fshatin Kodër Lumë, shtetasi H. D., 75 vjeç dyshohet se aksidentalisht ka plagosur me armë gjahu çifte, një shtetas 6 vjeç, fqinji i tij, i cili ndodhet në spital, nën kujdesin e mjekëve.
Shërbimet e policisë kanë kapur dhe shoqëruar në Komisariatin e Policisë Kukës, shtetasin H. D., për kryerjen e veprimeve procedurale.
Nga ana e policisë arma e gjahut u sekuestrua në cilësinë e provës materiale.
Ndërkohë grupi hetimor, nën drejtimin e Prokurorisë, po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
