Gjykata e Posaçme kundër Korrupsionit dhe Krimit të Organizuar (GJKKO) ka konfiskuar pasuritë e shtetasit shqiptar, Roland (Taulant) Domi i dënuar në Itali për pjesëmarrje në organizatë kriminale, prostitucion dhe trafikim narkotikësh.
Gjithsej janë 11 pasuri të konfiskuara të tipit toka, ndërtesa dhe makina.
Konkretisht janë konfiskuar: pasuria e paluajtshme lloji i pasurisë “Arë”, me sipërfaqe totale 3.300 m², Xhafzotaj Durrës, pasuria e paluajtshme lloji i pasurisë “TR metalike”, me sipërfaqe totale 234 m², nga e cila 234 m², Truall dhe nga kjo sipërfaqe trualli 82 m² ndërtesë, Xhafzotaj, Durrës, pasuria e paluajtshme njësi shërbimi me sipërfaqe totale 34.32 m², Durrës.
Gjithashtu edhe pasuria e paluajtshme njësi shërbimi, me sipërfaqe totale 20.26 m², pasuria e paluajtshme njësi me sipërfaqe totale 26.36 m², pasuria e paluajtshme ndërtesë, me sipërfaqe totale 128 m², Durrës, pasuria e paluajtshme Arë, me sipërfaqe 2,026 m2, Marikaj – Tiranë dhe pasuria e paluajtshme Arë, me sipërfaqe 888 m2, Marikaj – Tiranë janë konfiskuar.
Ndërsa mjetet tjera janë automjet i llojit autoveturë, i markës “Daimler Chrysler”, në pronësi të shtetases D. Domi dhe automjet i llojit autoveturë, i markës Chrysler Voyager, në pronësi të shtetases D. Domi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
