Një shtëpi në Përmet është shkrumbuar nga flakët. Dyshohet se shkak janë bërë dy të pastrehë të cilët vuajnë nga problemet mendore, që e kishin gjetur të pabanuar këtë shtëpi në katin e parë dhe ishin futur brenda.
Ngjarja ka ndodhur në lagjen "Bajame" dhe gati 500 metra larg repartit zjarrfikës. Kanë qenë qytetarët e rastit ata që kanë lajmëruar zjarrfikësen.
Zjarrfikësja ka ardhur menjëherë dhe ka bërë të mundur shuarjen e asaj çfarë kishte mbetur pa u djegur.
Të gjitha objektet që ishin brenda u dogjën ndërkohë që të pastrehët të cilët vuajnë nga shëndeti mendor, u larguan në drejtim të paditur.
Banesa kishte kohë që ishte e pabanueshme nga të zotët për shkak të kontestimit të pronësisë së saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
