Qeveria shqiptare ka miratuar në parim marrëveshjen me Mbretërinë e Arabisë Sudite, për njohjen e patentave shqiptare.
“Vendim për miratim në parim të marrëveshjes, ndërmjet këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për njohje e ndërsjellë të lejeve të drejtimit”, shkruhet në njoftimin e qeverisë.
Ministria e Jashtme ka bërë me dije së aktualisht lejet e drejtimit të lëshuara nga Shqipëria njihen në Belgjikë por deri në tre muaj, në Kroaci, Maqedoninë e Veriut, Serbi, Malin e Zi dhe Kosovë dhe Itali.
Ndërkohë Shqipëria është në proces pune për njohjen e patentave për dy shtetet ku edhe numri i shqiptarëve është tepër i lartë, me Greqinë.
Po ashtu pala shqiptare ka dorëzuar gjithë dokumentacionin e nevojshëm teknik pranë autoriteteve gjermane në mënyrë që edhe Gjermania të bëhet pjesë e njohjes së patentave shqiptare.
Ministria për Evropën dhe Punët e Jashtme më herët në bashkëpunim me Ministrinë e Transportit dhe Infrastrukturës, ka përcjellë propozimet për marrëveshje të ngjashme me Bullgarinë, Francën, Bosnjë dhe Hercegovinën, Turqinë, Spanjën, Austrinë, Australinë, Mbretërinë e Bashkuar, Holandën, Rumaninë, Slloveninë, Poloninë, Portugalinë, Zvicrën dhe Kanadanë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
