Gjykata e Apelit ka rrëzuar kërkesën e koncesionarit për heqjen e sekuestros në portin ushtarak të Limionit, në Sarandë.
Porti i Limionit i cili është bazë e Forcave Detare, u vendos nën sekuestro me kërkesën e SPAK, pas dhënies me qira të një sipërfaqe të madhe shoqërive “Concord Investment” sh.p.k. dhe “Kastrati Group” sh.a., përfaqësuar nga shoqëria “Marina Bay Saranda” shpk.
Sekuestroja u vendos pas konkludimit se koncensioni, cenon gatishmërinë dhe operacionalitetin e Forcës Detare.
Hetimet lidhur me këtë bazë ushtarake nisën pas kallëzimit të Artur Meçollarit, ish-zëvendës komandant i Forcës Detare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
