Një 27-vjeçare shqiptare është arrestuar nga policia greke bashkë me 10 persona të tjerë, nën akuzën e grupit të strukturuar kriminal që kryenin vjedhje e grabitje në vendin fqinj. Sipas mediave greke, në pranga është vënë shtetasja Evthimia Tafani nga Belshi.
Autoritetet greke e kanë goditur këtë grup kriminal disa ditë më parë, ndërsa të mërkurën kanë publikuar detaje të reja mbi të arrestuarit.
Kryesisht, anëtarët e këtij grupi u proceduan për drejtimin e një organizate kriminale, formimin e saj dhe anëtarësim në organizatë kriminale dhe kryerjen e disa veprave penale të vjedhjes dhe grabitjes, grabitjes në grup, vjedhje, kryer nga dy ose më shumë persona.
Hetimet për dokumentimin e plotë të veprimtarisë së të arrestuarve mes të cilëve është edhe 27-vjeçarja shqiptare vijonë, për t’i paraqitur ato më pas në gjykatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
