Një person ka humbur jetën dhe një tjetër ka mbetur i plagosur, si pasojë e një aksidenti të ndodhur paraditen e sotme në Tiranë.
Rreth orës 10:45, në rrugën “Llazi Miho”, kamioni me drejtues shtetasin G. Gj., rreth 34 vjeç, është përplasur me një motomjet me drejtues shtetasin Ylmi Dedja, 61 vjeç, i cili për pasojë ka humbur jetën.
Nga aksidenti është dëmtuar edhe shtetasi K. A., këmbësor, punonjës policie, jashtë detyre, i cili po merr ndihmë mjekësore në spital.
Shtetasi G. Gj., u shoqërua në komisariat, për kryerjen e veprimeve procedurale, ndërkohë grupi hetimor ndodhet në vendngjarje dhe po punon për zbardhjen e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
