Policia e Lushnjës bën me dije se si pasojë e një aksidenti të ndodhur pasditen e sotme një person ka humbur jetën ndërsa një tjetër mbeti i plagosur.
Mësohet se në aksin rrugor Divjakë - Çermë , në fshatin Shën E Premte është përplasur një mjet zetor me një motor dhe si pasojë e përplasjes janë plagosur të dy drejtuesit e mjeteve, ku drejtuesi i zetorit, shtetasi A.A, 34 vjeç, banues në fshatin Çermë, si pasojë e plagëve të marra ka ndërruar jetë në orën 18:55 në reanimacionin e spitalit Lushnje.
Ndërsa drejtuesi i mjetit motor, shtetasi I.T, 31 vjeç, banues në fshatin Shën E Premte, ndodhet në spitalin Lushnje nën kujdesin e mjekëve, jashtë rrezikut për jetën.
Grupi hetimor po punon për zbardhjen e shkakut të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
