Një aksident rrugor është regjistruar paraditen e kësaj të diele në aksin kombëtar Peqin–Elbasan, pranë fshatit Gjocaj, ku janë përfshirë tre automjete. Si pasojë e përplasjes, dy persona kanë mbetur të lënduar lehtë, ndërsa janë shkaktuar vetëm dëme materiale.
Sipas informacioneve paraprake, aksidenti ka ndodhur rreth orës 09:10 në një nga rrugët lidhëse me aksin kombëtar, në zonën rurale pranë Peqinit. Dy prej automjeteve të përfshira kanë pësuar dëmtime të pjesshme.
Të lënduarit kanë marrë ndihmën e nevojshme mjekësore dhe ndodhen jashtë rrezikut për jetën.
Menjëherë pas ngjarjes, në vendngjarje mbërritën shërbimet e Policisë Rrugore, të cilat normalizuan qarkullimin e automjeteve, pavarësisht fluksit të lartë të lëvizjes në këtë segment.
Grupi hetimor ka nisur punën për të zbardhur shkaqet dhe rrethanat e aksidentit.
Ky është aksidenti i tretë i regjistruar në vetëm pak ditë në segmentin pranë Gjocajt, duke rikthyer në vëmendje nevojën për respektimin e rregullave të qarkullimit dhe shtimin e masave për sigurinë rrugore në këtë aks.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
