Një aksident i rëndë është shënuar mëngjesin e sotëm, rreth orës 05:30, në aksin rrugor “Rotondo e Çermës–Lushnjë”, ku një autobus ka përplasur një motomjet, duke shkaktuar vdekjen e drejtuesit të motorit.
Viktima është identifikuar si Qemal Krasniqi, 72 vjeç, banues në Dushk, Lushnjë, i cili ka ndërruar jetë në vendin e ngjarjes si pasojë e përplasjes.
Drejtuesi i autobusit, Hektor Lakuriqi, 50 vjeç, banues në Lushnjë, është arrestuar në flagrancë nga Specialistët e Sektorit të Qarkullimit Rrugor.
Policia njofton se materialet procedurale i janë referuar Prokurorisë së Rrethit Gjyqësor Fier, për veprime të mëtejshme ligjore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
