Një bombol gazi ka shpërthyer në një banesë në Tapizë të Krujës ku si pasojë është plagosur e zonja e shtëpisë.
Ngjarja ka ndodhur rreth orës 09:20, në Tapizë, Krujë, në banesën e shtetasit M.S., ku ka shpërthyer, aksidentalisht bombula e gazit, të cilën e përdornin për gatim.
Si pasojë e shpërthimit ka mbetur e plagosur e zonja e shtëpisë A.B., e cila është dërguar me urgjencë në Spitalin e Traumës Tiranë për ndihmë mjekësore ku fatmirësisht raportohet se ndodhet jashtë rrezikut për jetën.
Grupi hetimor po punon për zbardhjen e plotë të shkaqeve të shpërthimit të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
