Pas ngjarjes së ndodhur në qendër të qytetit të Mamurrasit, policia ka shoqëruar dy persona, Alfred Prenga dhe Gjon Fufi, ky i fundit vëllai i Nikollë Fufit (Vorfi), i cili ndodhet i shtruar në Spitalin e Traumës pasi mbeti i plagosur me armë zjarri. Në videon e siguruar nga MCN, është momenti kur Prenga dhe Fufi shoqërohen nga policia.
E gjithë ngjarja mësohet se ka ndodhur rreth orës 13:35, ku një patrullë policie ishte vënë në ndjekje të një makine që nuk kishte ndaluar. Në qendër të Mamurrasit, makina në fjalë kishte hapur krahun por personat që ishin në të janë konfliktuar fizikisht me policinë.
Në mbështetje të tyre kanë ardhur rreth 5-6 persona të tjerë. Në këtë moment një nga efektivët e policisë i identifikuar si David Magani, ka nxjerrë armën e shërbimit dhe ka qëlluar dhe për pasojë janë plagosur dy kolegët e tij, Ilir Zekaj dhe Flamur Lleja, si dhe një nga personat e përfshirë në konflikt, Nikollë Vorfi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
