Policia e Tiranës ka zbuluar një shtëpi në Ndroq që përdorej si bazë për prodhimin dhe magazinimin e lëndëve narkotike. Sipas informacioneve paraprake, gjatë aksionit është sekuestruar një sasi me kanabis, ndërsa policia vijon të kryejë verifikimet në vendin e ngjarjes.
Burimet nga policia bëjnë të ditur se në brendësi të banesës janë gjetur të kultivuara bimë narkotike, ndërsa ambienti i brendshëm ishte pajisur me të gjitha aparaturat e tjera të përshtatshme për kultivimin e kanabisit.
Policia nuk ka gjetur askënd në shtëpi, ndërsa janë shoqëruar dy punonjës të OSHEE-së për shpërdorim detyre pasi nuk kanë njoftuar për sasinë e madhe të energjisë që konsumohej për shkak të llampave të fuqishme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
