Një shofer furgoni është arrestuar nga autoritetet italiane, pasi në makinën që ai drejtonte janë gjetur një sasi e konsiderueshme parash të padeklaruara-. Sipas mediave italiane, shoferi me furgonin e tij ishte nisur nga Anglia në drejtim të Shqipërisë, ndërsa paratë i kishte fshehur në bordin e makinës. Ai është ndaluar për kontroll në portin e Barit, ndërsa pasi iu gjet sasia e konsiderueshme e parave prej 250 mijë eurosh (225 mijë paund). Pas këtij kontrolli, shoferi u shoqërua nga policia.
Paratë e sekuestruara nga Guardia di Finanza të Grupit II të Barit, së bashku me zyrtarët e Agjencisë së Doganave dhe Monopoleve (ADM), bënë të ditur se paratë ishin ndarë në disa tufa dhe mbështjellë me mbrojtje plastike në rezervuarin e karburantit të makinës. U desh ndërhyrja e një mekaniku për t’i nxjerrë nga serbatori paratë.
Drejtuesi i automjetit, fajtor për shmangien e detyrimit të deklaratës së monedhës në kufi, u sanksionua me sekuestrimin e 50% të parave për një total prej rreth 120 mijë eurosh, siç kërkohet nga legjislacioni aktual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
