Komisioneri Shtetëror i Zgjedhjeve, Ilirjan Celibashi përmes një postimi në Twitter ka njoftuar se 79 KZAZ i kanë dorëzuar materialet zgjedhore dhe tabelat e rezultateve në KQZ.
Sipas tij, kjo i ka hapur rrugën verifikimit të tabelave dhe certifikimit të rezultatit për zonat zgjedhore.
Po këtë të shtunë KQZ vendosi se Artur Baku i LSI, Napolon Lasku nga “Thurja” dhe Adrian Gjoka nga “Lëvizja për Ndryshim” kandidatët për deputetë, që ishin çuar për verifikim të mëtejshëm nga Prokuroria e Përgjithshme nuk rezultuan në kushtet e ndalimit të kandidimit.
Edhe po të kishte qenë e kundërta, asnjëri prej tyre nuk rrezikonte mandatin e deputetit, pasi të tre ishin humbës të zgjedhjeve parlamentareve të 25 Prillit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
